ميدان ترافلجار ممنوع التصوير و انت واقف داخله ، يعني اذا كنت واقف على رصيف الشارع و تصوره من بره فمحد له حق يكلمك ، لكن من تدخل داخله و تطلع كاميرتك اللي تخرع بتلقى الأمن على راسك

بالنسبة لتصوير السيارات فهاذي صارت بواحد الله يذكره بالخير.. خلوه يمسح صوره لأنهم خايفين إنه قاعد يصور السيارة علشان يبي يبوقها :razz: ، و نفس الشخص -الله يذكره بالخير- هم حاشته سالفة الترايبود… مع إن وقتها ما كان في لا ناس و لا زحمة بالشارع

السالفة بالنهاية سالفة توافيج… يعني ممكن تصور و تستانس مثل ما تبي و ترد فندقكم من غير لا أحد يقولك شي ، و ممكن كل ما تمشي خطوتين تلقا واحد جدامك يقولك ممنوع ، عاد إنت خلك ذكي و أهم شي خل تكون عندك ثقة بنفسك و بإنك مو قاعد تسوي شي غلط ، و إذا أحد كلمك فخلك متعاون و مبتسم على طول ، و تذكر بأن اللي يخاف من العفريت يطلعلو :razz:

أختي هيا .. في بداية المقال وجهت دعوة لإجراء بحث على الانترنت .. مجرد بحث بسيط ماراح ياخذ من وقتج شي و عموما إذا ما لقيتي شي .. أسهل طريقة تعرفين فيها القانون هي التوجه بالسؤال إلى الجهة المخولة بإدارة المكان اللي انتي فيه

اشوه اني ماني رايحه لندن

بس ابليز جيكيلي تركيا فيها قوانين جذي @@

عشان اخذها من اقصرها وما اسافر ;p

قواج الله حبيبتي

والله ايسهل علينا السفرة

نعم .. إلى هذا الحد. ولكن في الواقع و كما ذكرت .. الناس تصور و تستانس بشكل طبيعي. بس لا قدر الله و صار شي إلا إحنا عارفين الوضع و متقبلينه